काठमाडौं । विपद् उद्धार र राहत वितरण कार्यक्रममा खटिएका सशस्त्र प्रहरी निरीक्षक दिलबहादुर बडुवालको निधन भएको छ ।
उनको आज बिहान बलम्बुस्थित नेपाल एपीएफ अस्पतालमा निधन भएको हो । विपद् व्यवस्थापनका लागि सशस्त्र प्रहरी बलले गत असार २ गते काभ्रेको पनौती नगरपालिका– ५ आइटी पार्कमा मन्सुनजन्य विपद् व्यवस्थापन बेस स्थापना गरेको थियो । साउन ३ गतेदेखि बडुलाल सोही बेसको कमान्डमा थिए ।
असोज ११ र १२ गते परेको अविलरल वर्षापछि काभ्रेका विभिन्न ठाउँमा भएको धनजनको क्षतीमा उद्धारका लागि उनको कमाण्डमा टोली खटिएको थियो । बडुवालको स्वास्थमा समस्या देखिएपछि असोज २६ गते एपीएफ अस्पताल बलम्बुमा भर्ना गरी उपचार भैरहेकोमा सोमबार बिहान उनको निधन भएको सशस्त्र प्रहरी संगठनले जनाएको छ ।
बर्दिया घर भएका बडुवाल २०८० सालमा असईबाट सेवा प्रवेश गरेका थिए । उनको आजै पशुपति आर्यघाटमा फौजी सम्मानका साथ अन्त्येष्टि गरिनेछ ।
