काठमाडौं । प्रधानमन्त्री केपी शर्मा ओली र नेपालका लागि जापानका राजदूत किकुता युताकाबीच भेटवार्ता भएको छ ।
बुधवार प्रधानमन्त्री निवास, बालुवाटारमा शिष्टाचार भेटमा उनीहरुबीच दुई देश बीचको परम्परागत सम्बन्ध, दुईपक्षीय हितका विविध विषय तथा सहयोग आदान प्रदानबारे छलफल भएको जनाइएको छ ।
भेटमा उनीहरुबीच बाढी–पहिरोबाट प्रभावित बीपी राजमार्ग पुनर्निमार्णमा जापानबाट हुन सक्ने सहयोगका विषयमा पनि छलफल भएको थियो ।
