काठमाडौं । साफ महिला च्याम्पियनसिपको आफ्नो पहिलो खेलमा घरेलु टोली नेपाल भुटानसँग गोलरहित बराबरीमा रोकिएको छ ।
दशरथ रंगशालामा भएको खेलमा दुवै टोलीले थुप्रै अवसरहरु पाए पनि त्यसलाई सदुपयोग गर्न नसक्दा दुवै टोली गोल गर्नबाट चुके र बराबरीमा रोकिए । नेपालले दोस्रो खेल सोमबार माल्दिभ्सँग खेल्नेछ ।
पहिलो हाफमा नेपालकी सविता रानामगरले गरेको प्रहार साइड बारमा लागेर फर्किएको थियो भने दोस्रो हाफको अन्त्यतिर पनि नेपाली खेलाडीले गतिलो मौका गुमाएका थिए ।
