काठमाडौं । सहकारी ठगी तथा संगठित अपराध मुद्दामा पक्राउ परेका राष्ट्रिय स्वतन्त्र पार्टी ( रास्वपा) का सभापति रवि लामिछानेलाई आज अदालतमा उपस्तिथि गराइदै छ ।
शुक्रबार काठमाडौबाट पक्राउ परेका लामिछानेलाई शनिबार बिहान पोखरा लगिएको थियो । शनिबार बिदा भएकाले प्राहरीले म्याद थपका लागि आज जिल्ला अदालत कास्कीमा उपस्थित गराउन लागेको हो ।
लामिछाने पक्राउ भएसँगै रास्वपाले पोखरामा विरोध प्रदर्शन गरिरहेको छ । आज पोखरामा सहकारी पीडितले पनि प्रदर्शनको तयारी गरेका छन् ।
दुवै पक्षले प्रदर्शनको तयारी गरेपछि हाल पोखराको सुरक्षा व्यवस्था कडा पारिएको छ ।
सूर्यदर्शन सहकारीबाट करिब डेढ अर्ब रकम हिनामिना गरेको आरोपमा प्रहरीले गत साल भदौ २४ गते १९ जनाविरुद्ध पक्राउ पुर्जी जारी गरेको थियो ।
पटक पटक गरेर सूर्यदर्शन सहकारी प्रकरणमा ४४ जनालाई पक्राउ पुर्जी जारी गरिएकोमा शुक्रबारमात्र रविसहित १४ जनाविरुद्ध थप पक्राउ पुर्जी जारी भएको छ ।
