काठमाडौं । कपिलवस्तुको महाराजगञ्ज नगरपालिका वडा नम्बर २ का वडाध्यक्ष उजेर अली घुससहित पक्राउ परेका छन् ।
अख्तियार दुरुपयोग अनुसन्धान आयोगले वडाध्यक्ष अलीलाई १५ हजार रुपैयाँ घुस सहित पक्राउ गरेको आयोगका प्रवक्ता नरहरी घिमिरेले जानकारी दिए । अलीले सेवाग्राहीसँग घरबाटो सिफारिस दिनको लागि घुस मागेका थिए । उक्त सूचना पाएपछि बुटवलबाटभ खटिएको अख्तियारको टोलीले उनलाई कार्यकक्षबाटै घुससहित पक्राउ गरेको हो ।
आयोगका अनुसार पक्राउ परेका वडाध्यक्ष अलीमाथि थप अनुसन्धान भैरहेको छ ।
