काठमाडौं । एसीसी प्रिमियर कप– २०२४ को तेस्रो स्थानको लागि भएको खेलमा नेपाल हङकङसँग चार विकेटले पराजित भएको छ ।
आज भएको खेलमा हंङकङसँग ४ विकेटको हार बेहोरेसँग नेपालले इमर्जिङ टिम्स एसिया कप पनि गुमाएको छ । यस अघि शुक्रबार भएको सेमिफाइनलमा नेपाल यूएईसँग पराजित भएको थियो । यो हारसँगै एसीसी प्रिमियर कपको उपाधि उचालेर एसिया कप खेल्ने नेपालको सपना चकनाचुर भएको थियो ।
शनिबार तेस्रो स्थानको लागि नेपालले दिएको १४० रनको लक्ष्य हङकङले ३ बल बाँकी छदै पुरा ग¥यो । हङकङका अंशुमन रथ सर्वाधिक ६५ रनमा नटआउट रहे । त्यस्तै बाबर हायतले २६ र अजिज खानले १२ रनको योगदान दिए ।
बलिङतर्फ नेपालका सोमपाल कामीले सर्वाधिक ३ विकेट लिए भने दीपेन्द्रसिंह ऐरीले २ विकेट लिए । यस अघि पहिले ब्याटिङ गरेको नेपालले निर्धारित २० ओभरमा ८ विकेटको क्षतीमा १३९ रनको योगफल तयार गरेको थियो ।
नेपालका दीपेन्द्रसिंह ऐरीले सर्वाधिक ४४ रन बनाएका थिए । त्यस्तै कप्तान रोहित कुमार पौडेलले २१, सन्दीप जोराले २२, कुशल मल्ले १३ रन, सोमपाल कामीले १२ रन जोड्नु बाहेक अन्य ब्याट्स्म्यानले दोहोरो रन बनाउन सकेनन् ।
हङकङका आयुश शुक्लाले सर्वाधिक ३ विकेट चट्काए भने अतिक इकबाल, यासिम मुर्तजा र एहसान खानले समान एक–एक विकेट लिए ।
यूएई र ओमानबीचको फाइनल खेल आइतबार हुनेछ । उपाधि विजेता टिमले एसिया कप खेल्नेछ ।
