पोखरा । ठगी तथा संगठित अपराधमा पक्राउ परेका रास्वपाका सभापति रवि लामिछानेलाई थप १० दिन हिरासतमा राख्न अदालतले अनुमति दिएको छ ।
कास्की जिल्ला अदालतले मंगलबार लामिछानेलाई थप १० दिन हिरासतमा राखेर अनुसन्धान गर्न प्रहरीलाई अनुमती दिएको हो । यो म्याद कार्तिक १५ गतेदेखि गणना हुने जनाइएको छ ।
लामिछानेलाई प्रहरीले काठमाडौंबाट पक्राउ गरेर अनुसन्धानका लागि पोखरा लिएको छ ।
यस अघि अदालतले उनलाई पहिलो पटक ६ दिन र दोस्रो पटक ७ दिनको म्याद दिएको थियो । उक्त म्याद सकिएपछि आज प्रहरीले उनलाई अदालतमा उपस्थित गराएको थियोे ।
रवि लामिछाने पक्राउ परेसँगै रास्वपाका नेता कार्यकर्ताहरुले सरकारले फसाउन षड्यन्त्र गरेको भन्दै पोखरामा निरन्तर प्रदर्शन गर्दै आएका छन् ।
