काठमाडौं । काठमाडौंको शंखरापुरमा बुधवार मोटरसाइकललाई ठक्कर दिएर फरार रहेका कार चालक झाँक्री प्रकाश भुजेलले प्रहरीसमक्ष आत्मसमर्पण गरेका छन् ।
आज दिउँसो साढे दुईबजेतिर शंखरापुर वडा नम्बर ९ इन्द्रायणी पुल नजिकै भुजेलले चलाएको बा ११ प २६९५ नम्बरको कारले बागमती प्रदेश ०२–०१८ प ६८७५ नम्बरको मोटरसाइकललाई ठक्कर दिएको थियो ।
भुजेलले चलाएको कारले मोटरसाइकललाई ठक्कर दिएर पसलको सटरमा समेत ठोक्किएको थियो । दुर्घटनामा मोटरसाइकलमा सवार दुई जना गम्भीर घाइते भएका छन् ।
घाइतेहरुको ग्राण्डी अस्पतालमा उपचार भैरहेको प्रहरीले जनाएको छ ।
