काठमाडौं । रक्षा मन्त्री मानवीर राई र भारतीय स्थल सेनाध्यक्ष उपेन्द्र द्धिवेदीबीच भेटवार्ता भएको छ ।
नेपालको औपचारिक भ्रमणमा रहेका सेनाध्यक्ष द्धिवेदीले आज रक्षा मन्त्री राईसँग शिष्टाचार भेटवार्ता गरेका हुन् । भेटमा दुई देशबीचको पारस्पारिक सम्बन्ध लगायतका विषयमा छलफल भएको जनाइएको छ ।
भारतीय सेनाध्यक्ष द्धिवेदीले आजै प्रधानमन्त्री केपी शर्मा ओलीसँग शिष्टाचार भेटवार्ता गरेका थिए । उनले बिहिवार राष्ट्रपति रामचन्द्र पौडेलबाट नेपाली सेनाको मानार्थ महारथीको दर्ज्यानी चिन्ह ग्रहण गरेका थिए ।
