काठमाडौं । नेपाल प्रिमियर लिग (एनपीएल) को आज हुने पहिलो खेलमा लुम्बिनी लायन्स र सुदूरपश्चिम रोयल्सबीच प्रतिस्पर्धा हुँदैछ ।
त्रिवि क्रिकेट मैदानमा भएको टस लुम्बिनी लायन्सका कप्तान रोहित कुमार पौडेलले जित्दै पहिला बलिङ गर्ने निर्णय गरेपछि सुदूरपश्चिमले ब्याटिङको निम्तो पाएको हो ।
यस अगाडीका लगातार दुई खेल हारेको लुम्बिनी आज सुदूरपश्चिमलाई हराएर पहिलो जित निकाल्ने दौडमा छ भने यस अघिका दुवै खेल जितेको सुदूरपश्चिम लुम्बिनीलाई हराएर लगातार तेस्रो जितको खोजीमा हुनेछ ।
आज शनिबार भएकाले त्रिवि क्रिकेट मैदान दर्शकले खचाँखच भरिएको छ ।
