चितवन । पश्चिम नवलापरासीमा यात्रुवाहक माइक्रोबस र ट्रक एक आपसमा ठोक्किएर दुर्घटना हुँदा २२ जना घाइते भएका छन् ।
जिल्लाको सुनवल नगरपालिका– ७ अलकत्रे डाँडामा बर्दाघाटबाट बुटवल जाँदै गरेको लु १ ख ९४६७ नम्बरको माइक्रोबस र सुदूरपश्चिम प्रदेश ०१–००१ ख २४४२ नम्बरको ट्रक एक आपसमा ठोक्किँएपछि दुर्घटना भएको प्रहरीले जनाएको छ ।
प्रहरीका अनुसार साइकल यात्रीलाई ठक्कर दिएर अनियन्त्रित भएको माइक्रोबस ट्रकसँग ठोक्किँएको हो । घाइते मध्ये ६ जनाको अवस्था गम्भिर रहेको र उपचारको लागि रुपन्देहीको भुलही मेडिकल कलेज लगिएको प्रहरीले जनाएको छ ।
प्रहरीका अनुसार दुर्घटनाको विषयमा आवश्यक अनुसन्धान भैरहेको छ ।
