काठमाडौं । कतारका राजा शेख तामिम विन हमद अल थानी काठमाडौं आइपुगेका छन् ।
केही बेर अघि त्रिभुवन अन्तर्राष्ट्रिय विमानस्थल काठमाडौंमा उत्रिएका थानीलाई विमानस्थलमा राष्ट्रपति रामचन्द्र पौडेलले स्वागत गरेका हुन् । राष्ट्रपति पौडेलको निमन्त्रणामा काठमाडौं आएका राजा थानीले आज पौडेलसँग शितल निवासमा भेटवार्ता गर्ने कार्यक्रम रहेको छ ।
त्यस्तै राजा थानीले ले प्रधानमन्त्री पुष्पकमल दाहाल ‘प्रचण्ड’ सँग पनि भेटवार्ता गर्नेछन् । उनको स्वागतमा नेपाल सरकारले आज सार्वजनिक बिदा समेत दिएको थियो । राजा थानी बुधवार स्वदेश फर्किने कार्यक्रम रहेको परराष्ट्र मन्त्रालयले जनाएको छ ।
