काठमाडौं । राष्ट्रिय प्रजातन्त्र पार्टी (राप्रपा) का वरिष्ठ उपाध्यक्ष नेता रविन्द्र मिश्र र महामन्त्री धवलशमशेर राणा पक्राउ परेका छन् ।
प्रहरीले केहीबेरअघि उनीहरूलाई नियन्त्रणमा लिएको हो । काठमाडौं प्रहरी परिसरले राजावादी आन्दोलनका नाममा अराजकता मच्चाएको र आगजनी तथा लुटपाट गरेको अभियोगमा पक्राउ परेको हो ।
उपत्यका प्रहरी प्रमुख एआईजी टेकबहादु तामाङले उनीहरूलाई पक्राउ गरेर राखिएको पुष्टि गरे । अस्पतालका घाईतेहरुलाई भेटेर फर्किने क्रममा आफूहरुलाई नियन्त्रणमा लिइएको वरिष्ठ उपाध्यक्ष मिश्रले बताए ।
राजावादीहरुले आज काठमाडौंको तीनकुनेमा राजसंस्था पुनःस्थापनाका लागि गरेको आन्दोलन हिंसामा परिणत भएपछि एक आन्दोलानकारी र पत्रकारसहित दुई जनाको मृत्यु समेत भएको थियो ।
