काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछाने आजै आफै प्रहरी समक्ष उपस्थित हुने भएका छन् ।
सहकारीको रकम हिनामिना प्रकरणमा उच्च अदालत तुलसीपुरले लामिछानेलाई पुर्पक्षका लागि थुनामा पठाउने आदेश दिएपछि लामिछानेले सम्मानित अदालतको आदेशको सम्मान गर्दै म आफै आजै अहिले नै गिरफ्तारी दिने जानकारी दिएका हुन् ।
अदालतको आदेशपछि सामाजिक सञ्जालमार्फत लामिछानेले यस्तो जानकारी दिएका हुन् । उनले न्यायका लागि दुनियाँका सबै ढोका ढकढक्याउने भन्दै आफूमाथि माथि ठुलो अन्याय भएको बताएका छन् ।
उनले लेखेका छन्, “सम्मानित अदालतको आदेशको सम्मान गर्दै म आफै आजै अहिले नै गिरफ्तारी दिदैछु। साथै न्यायलयका अन्य ढोकाहरु मेरा लागि खुल्ला होलान् नै । न्यायका लागि दुनियाँका सबै ढोका ढकढकाउछु । म माथि ठुलो अन्याय भएको छ । चितवनको सभा नरोक्नुस्।”
