इन्डियन प्रिमियर लिग (आईपीएल) २०२५ को उपाधि पहिलो पटक रोयल च्यालेन्जर्स बेंगलुरुले जितेको छ ।
मंगलबार साँझ नरेन्द्र मोदी रंगशालामा भएको फाइनलमा पन्जाव किंग्सलाई ६ रनले पराजित गरेको हो । बैंग्लुरले आईपीएल उपाधि जितेको यो पहिलो पटक हो ।
बेंगलुरुले दिएको १ सय ९१ रनको लक्ष्य पछ्याएको पन्जाबले २० ओभरमा ७ विकेट गुमाउँदै १ सय ८४ रन मात्र बनाउन सक्यो।
पञ्जाबका जस इङ्लिसले ३९ रन बनाएपनि जितका लागि पर्याप्त हुन सकेन । ओपनर प्रियांश आर्याले २४, प्रविसिमरन सिंहले २६ र नेहाल वाडेरा १५ रनको योगदान दिए ।
आरसीबीका लागि विराट कोहलीले सर्वाधिक ४२ रन बनाए । उनले ३५ बलमा ३ चौका प्रहार गरे । ओपनर फिल साल्टले १६, मायक अग्रवालले २४, कप्तान रजत पाटिदारले २६, लिअम लिभिङस्टनले २५, जितेश शर्माले २४ र रोमारियो शेफर्डले १७ रनको योगदान दिए ।
पन्जावका बलरमध्ये केली जेमिसन र अर्सदीप सिंह सर्वाधिक सफल रहे । जेमिसनले ४ ओभरमा ४८ रन खर्चेर तीन विकेट हात पारे । यस्तै सिंहले पनि ४ ओभरमा ४० रन दिएर तीनै विकेट हात पारे र यी तीनै विकेट अन्तिम एकै ओभरमा प्राप्त भएको थियो ।
