काठमाडौं । टर्कीले शुक्रबार इजरायली प्रधानमन्त्री बेन्जामिन नेतान्याहू र दर्जनौं अन्य इजरायली अधिकारीहरुलाई नरसंहार मच्चाएको आरोपमा वारेन्ट जारी गरेको छ ।
इस्तानबुलका प्रमुख सार्वजनिक अभियोजकको कार्यालयले ३७ जना विरुद्ध वारेन्ट जारी गरेको बताएको छ। नेतान्याहूसहित वारेन्ट जारी हुनेहरुमा इजरायलका रक्षामन्त्री इजरायल काट्ज, राष्ट्रिय सुरक्षामन्त्री इटामार बेन ग्विर र सैन्य प्रमुख इयाल जामिर लगायतका व्यक्तिहरू रहेका छन् ।
अभियोजकको कार्यालयका अनुसार वारेन्टहरूले इजरायली अधिकारीहरूलाई गाजामा र एन्क्लेभमा सहायता बोकेको फ्लोटिला विरुद्ध ‘मानवता विरुद्धको अपराध’ र ‘नरसंहार’ गरेको आरोप लगाइएको छ।
यता इजरायलले भने टर्कीले जारी गरेको उक्त वारेन्टप्रति आपत्ति जनाउँदै अस्वीकार गरेको छ ।
