काठमाडौं । उपसचिव तहको परीक्षा स्थगित भएको छ ।
लोक सेवा आयोगले आज एक सूचना जारी गर्दै उपसिचव तहको परीक्षा स्थगित गरेको हो । आयोगले जारी गरेको सूचना अनुसार असोज २९ गते प्रकाशित विज्ञापन नम्बर १६६६४/१६६९१ र ०८२/८३ (आ.प्र.रखुल्लारसमावेशी) न्याय, प्रशासन, लेखपरीक्षण र संघीय संसद सेवा, राप द्धितीय श्रेणी उपसचिव (अप्राविधिक) वा सो सरह पदको परीक्षा स्थगित गरिएको हो ।
उपसचिवको परीक्षा माघ १० गतेदेखि १८ गतेसम्म हुने कार्यतालिका थियो । तर, निर्वाचनका कारण उक्त परीक्षा नै स्थगित गरिएको आयोगले जनाएको छ । आयोगका अनुसार फागुन २१ गतेदेखि प्रतिनिधि सभाको निर्वाचन हुने भएपछि निर्वाचन आयोगले परीक्षा स्थगित गर्न पत्राचार गरेको थियो ।
सोही पत्राचार अनुसार आयोगले परीक्षा स्थगित गरेको हो । आयोगले परीक्षाको अर्काे वा नयाँ मिति भने तोकेको छैन् ।
