काठमाडौं । नेपाली बजारमा आज सुनको मूल्यमा गिरावट आएको छ ।
नेपाल सुनचाँदी व्यवसायी महासंघका अनुसार आज सुन प्रतितोला २ हजार ७ सय रुपैयाँले घटेको छ । सोमबार प्रतितोला एक लाख ३८ हजार २ सय रुपैयाँमा कारोबार भएको छापावाला सुन आज एक लाख ३५ हजार ५ सय रुपैयाँ निर्धारण गरेको छ ।
सोमबार एक लाख ३७ हजार ५ सय रुपैयाँमा कारोबार भएको तेजाबी सुन मंगलबार भने एक लाख ३४ हजार ८५० रुपैयाँमा कारोबार भैरहेको छ । चाँदीको मूल्य प्रतितोला आज ४५ रुपैयाँ घटेको छ ।
मंगलबार चाँदी प्रतितोला १ हजार ६६० रुपैयाँमा कारोबार भैरहेको महासंघले जनाएको छ ।
