काठमाडौं । बारामा प्रहरीको पेस्तोल हराएको छ ।
अप्रेसनका क्रममा वरिष्ठ सई पुज्य बिसीले बोकेको पेस्तोल हराएको जिल्ला प्रहरी कार्यालय बाराले जनाएको छ । लागू औषध अप्रेसनमा बिसीसहितको टोली खटिएको र सोही समयमा पेस्तोल हराएको बाराका एसपी महेन्द्र खड्काले जानकारी दिए ।
उक्त पेस्तोलमा एउटा म्याग्जीन पनि रहेको बताइएको । उनले भने, “रातीको डिउटीमा जाँदा कतै मिसिङ भएको हो । झगडा वा अन्य कुनै कारणले भएको होइन् । उक्त पेस्तोलमा एउटा म्याग्जीन पनि थियो ।”
प्रहरीका अनुसार हराएको पेस्तोलको खोजी कार्य जारी रहेको छ ।
