काठमाडौं । लोकप्रिय गीतकार विश्व भल्लभ भट्टराईको निधन भएको छ ।
अन्नपूर्ण न्यूरो अस्पतालमा उनको निधन भएको हो । मस्तिष्कघात भएपछि उनी अन्नपूर्ण न्यूरो अस्पतालमा उपचाररत थिए । मस्तिष्कघातका कारण उनको शरीरको देव्रेभाग चल्न छोडेको थियो ।
थापाथलिस्थित घरमै अचानक उनलाई मस्तिष्कघात भएको थियो । केही दिन अघि उनलाई अस्पतालबाट घर लगिएपनि निमोनिया भएपछि पुनः अस्पताल लगिएको थियो ।
तारादेवीले गाएको ‘शुभकामना’, अरुणा लामाले गाएको ‘भाग्यले खुसी खोसेर लग्यो’, अमर तण्डुकारले गाएको ‘धेरै दिन भो तिम्रो झझल्को’ लगायतका चर्चित गीतहरु विश्व वल्लभले नै लेखेका हुन् ।
