काठमाडौं । नेपाली कथाकन चलचित्र ‘गाउँ आएको बाटो’ को पहिलो गीत ‘राई माइला’ सार्वजनिक भएको छ ।
श्रवण मुकारुङको शब्द रचना र कालीप्रसाद सापकोटाको संगीत रहेको गीतमा सुनिता थेगिमको स्वर रहेको छ । सार्वजनिक गीतमा चलचित्रका मुख्य कलाकार दयाहाङ राई, पशुपति राई, बालकलाकार प्रसन्न राई फिचर्ड छन् ।
गीतमा कुनै पनि व्यक्तिले आफुले गर्दै आएको पेश व्यवसाय संकटमा परेपछि उक्त व्यक्ति कसरी गाउँ छाड्ने निर्णयमा पुग्छ भन्ने लगायतका विषयलाई मिहिन ढंगबाट प्रस्तुत गर्ने प्रयास गरिएको छ । यसले नविन सुब्बाको निर्देशनमा रहेको चलचित्र ‘गाउँ आएको बाटो’ को कथासार बुझाएको छ ।
चलचित्र ‘गाउँ आएको बाटो’ जेठ २५ गतेदेखि प्रदर्शनमा आउने छ ।
