काठमाडौं । नेपाली कथकन चलचित्र ‘पूर्णबहादुरको सारङ्गी’ को गीत ‘चरी’ सार्वजनिक भएको छ ।
तेस्रो सातामा प्रदर्शनरत ब्लकबस्टर चलचित्र ‘पूर्णबहादुरको सारङ्गी’ को निर्माण टीमले आज उक्त चलचित्रमा समावेश भएको गीत ‘चरी’ युट्युबमा सार्वजनिक गरेको हो ।
सार्वजनिक गीतमा पुष्पन प्रधान र विज्ञानी पराजुलीको स्वर रहेको छ भने प्रशान्त शिवाकोटीको शब्द, संगीत रहेको छ । विशम आचार्यले गीतको एरेन्ज गरेका हुन् । आइतबार सम्म ‘पूर्णबहादुरको सारङ्गी’ ले ३५ करोड ग्रस कलेक्सन गरेको छ ।
विजय बराल, बुद्धि तामाङ, अन्जना बराइली, प्रकाश सपूत, मुकुन भुसाल लगायतका कलाकारको अभिनय रहेको र सरोज पौडेलको कथा तथा निर्देशन रहेको ‘पूर्णबहादुरको सारङ्गी’ संवाद महेश दवाडीले लेखेका हुन् ।
यस चलचित्रका निर्माता विनोद पौडेल र प्याट्रिक सुवेदी हुन भने कार्यकारी निर्मातामा रमेश चौलागाई, हरि श्रेष्ठ र रमेश ढकाल रहेका छन् ।
