काठमाडौं । नेपाली कथाकन चलचित्र पूर्ण बहादुरको सारङ्गी’ को छायांकन सुरु भएको छ ।
सेभेन सिज सिनेमाको प्रस्तुतीमा निर्माण हुन थालको चलचित्र ओखलढुंगा जिल्लाको रुम्जाटारबाट छायांकन सुरु भएको हो । चलचित्रको ओपनिङ दृश्य गायक, कलाकार तथा अभिनेता प्रकाश शपुत र बाल कलाकार जाम्भि पौडेलले दिएका छन् ।
‘पूर्ण बहादुरको सारङ्गी’ मा प्रकाश र बालकलाकार जाम्भिसँगै विजय बराल, मुकुन भुसाल, अञ्जना बराइली, विनोद न्यौपाने, बुद्धि तामाङ लगायत कलाकारको अभिनय रहेको छ ।
सरोज पौडेलको लेख तथा निर्देशनमा बन्न लागेको उक्त चलचित्र सोसल–ड्रामा जनारा र गन्धर्व परिवारको कथामा आधारित रहने निर्माण पक्षले जनाएको छ । विनोद पौडेल र प्याट्रिक सुवेदी लगानीकर्ता रहेको यस चलचित्रको कार्यकारी निर्मातामा रमेश चौलागाई र हरि श्रेष्ठ रहेका छन् ।
