काठमाडौं । लोक दोहोरी गायक बद्री पंगेनी र पछिल्लो समयकी चर्चित गायीका रचना रिमालले नयाँ तीज गीत ‘बिलौना’ ल्याएका छन् ।
रचना र बद्रीको स्वरमा रहेको यस गीतको भिडियोमा रचना र बद्रीले नै अभिनय गरेका छन् । नारायण ज्ञवालीको लिरिक्स रहेको ‘बिलौना’ मा शिव हमालले म्युजिक भरेका हुन् ।
गीतमा विश्वास नेपालको म्युजिक एरेन्ज रहेको छ भने मिक्सिङ कुमार रानाले गरेका छन् । खुमन राना र सुमन रानाले रेकर्ड गरेको गीत मारुनी स्टुडियोमा रेकर्ड गरिएको हो । गीतमा नेपाली महिलाहरुको महान चार्ड तीजमा दाजु र बहिनीको सम्बन्धको विषयमा देखाउन खोजीएको छ ।
गीतको भिडियोमा बद्री र रचना दाजु र बहिनीको भूमिकामा देखिएका छन् । तीजमा बहिनीलाई माइती घरमा सँग लिनको लागि दाजु बहिनीको घर गएको, दुई दाजु–बहीनीको प्रेम र भेट हुँदा सुख, दुःखका अनुभवहरु एक अर्कालाई साँटासाँट गरेको दृश्य देखाइएको छ ।
गायीका रचना रिमालको अफिसियल युट्युब च्यानलमा आज बिहान सार्वजनिक गरिएको गीत यो समाचार तयार गर्दा सम्म ७ हजार ५३२ पटक हेरिएको छ । तीन नजिकिएसँगै गायक–गायीकाले तीजका गीतहरु सार्वजनिक गर्न थालेका छन् ।
