काठमाडौं । नेपाल मेडिकल कलेजको प्रबन्ध निर्देशकमा डा. साविहा यासमिन नियुक्त भएकी छन् ।
यस अघि डाइरेक्टर रहेकी यासमिनलाई कलेज सञ्चालक समितिको बैठकले निर्देशकमा नियुक्त गरेको हो । बुधवार एक कार्यक्रमका बीच कलेजका अध्यक्ष प्राडा जैनुद्धिन अन्सारीले नवनियुक्त प्रबन्ध निर्देशक यासमिनलाई पदभार ग्रहण गराए ।
पदभार ग्रहणपछि बोल्दै डा. यासमिनले आफूलाई सफल बनाउन सबैको साथ सहयोग चाहिएको भन्दै विगतमा कलेज प्रशासन, चिकित्सक, कर्मचारीले राम्रो साथ दिएको र आगामी दिनमा पनि साथ सहयोगको अपेक्षा गरेको बताइन् ।
उनले भनिन, “हामी सबै एकै हौं, म युवा भएपनि यहाँहरुले विगत ३ वर्षदेखि विश्वास गर्नुभएको छ । आगामी दिनमा पनि साथ र सहयोग गर्नुहुनेछ भन्ने विश्वास छ ।”
